തിരുവല്ല : ശാരീരിക ആരോഗ്യത്തോടൊപ്പം മാനസിക ആരോഗ്യവും വർദ്ധിപ്പിക്കുവാൻ യുവജനങ്ങൾ ശ്രദ്ധിക്കണമെന്ന് ഡോ. യൂഹാനോൻ മാർ ക്രിസോസ്റ്റമോസ് മെത്രാപ്പോലീത്താ. ലഹരിയ്ക്കെതിരെ ബോധവത്കരണവുമായി ഓർത്തഡോക്സ് ക്രൈസ്തവ യുവജന പ്രസ്ഥാനം നിരണം ഭദ്രാസന സമിതി സംഘടിപ്പിച്ച ക്രിക്കറ്റ് പ്രീമിയർ ലീഗ് ഉദ്ഘാടനം ചെയ്യുകയായിരുന്നു അദ്ദേഹം.
ലഹരിക്കെതിരെയുള്ള ബോധവൽക്കരണവും കായിക സംസ്കാരം വളർത്തേണ്ടതും കാലഘട്ടത്തിൻ്റെ ആവശ്യമാണെന്നും ഇതിനായി അദ്ധ്യാത്മീക സാമൂഹിക സംഘടനകൾ ഒന്നിച്ച് അണിചേരണമെന്നും അദ്ദേഹം പറഞ്ഞു. ഭദ്രാസന വൈസ് പ്രസിഡൻ്റ് ഫാ. ബിബിൻ മാത്യു അദ്ധ്യക്ഷത വഹിച്ചു.
സഭാ മാനേജിംഗ് കമ്മിറ്റിയംഗങ്ങളായ മത്തായി ടി. വർഗീസ്, ജോജി പി. തോമസ്, ഭദ്രാസന ജനറൽ സെക്രട്ടറി റിനോജ് ജോർജ്, യുവജന പ്രസ്ഥാനം കേന്ദ്ര കമ്മിറ്റിയംഗങ്ങളായ രോഹിത് കെ. ജോൺ, അശ്വിൻ വി. റെജി, ഭദ്രാസന ജോയിൻ്റ് സെക്രട്ടറി ജോജി ജോർജ്, കൺവീനർമാരായ ലിജോ ജോർജ്, ജോയൽ വർഗീസ്, അഖിലേഷ് വർഗീസ്, സ്ലോമോ എം.സി, കേന്ദ്ര അസംബ്ളി അംഗം അഭിലാഷ് തോമസ്, ഭദ്രാസന കമ്മിറ്റിയംഗങ്ങളായ പ്രവീൺ വർഗീസ്, ചെറിയാൻ മണലേൽ, അനൂപ് തോമസ്, ജേക്കബ് വർഗീസ്, ജോബിൻ മാത്യു, റോബിൻ വർഗീസ്, ജെസ്ലിൻ ജെയിംസ്, ഷോൺ മത്തായി, ഫിലിപ്പ് സ്കറിയ എന്നിവർ പ്രസംഗിച്ചു.
