തൃശ്ശൂർ : സേവ് കോണ്ഗ്രസിന്റെ പേരില് കെ സി വേണുഗോപാലിനായി ഫ്ളക്സ് ബോര്ഡ് വച്ച് സിപിഐഎം നേതാവ്.സിപിഎം പ്രവർത്തകൻ അരവശേരി മുഹമ്മദാണ് സ്ഥലത്തുണ്ടായിരുന്ന സിസിടിവി കേട് ആണെന്ന ധൈര്യത്തിലാണ് അവിടെ ഫ്ളക്സ് വെച്ചതെന്നും വിപ്ലവം ഉണ്ടാക്കാന് വേണ്ടിയാണ് ചെയ്തതെന്നും ഹമ്മദ് പറയുന്ന വാട്സാപ് സന്ദേശം കോൺഗ്രസ് പുറത്തുവിട്ടു.
കഴിഞ്ഞ രാത്രിയാണ് കെ.സി.വേണുഗോപാലിന്റെ ഫോട്ടോ വച്ച, ‘കെ.സി നയിക്കട്ടെ’ എന്നെഴുതിയ ഫ്ലെക്സ് ബോർഡ് പഞ്ചായത്ത് ഓഫിസിന് മുന്നിൽ പ്രത്യക്ഷപ്പെട്ടത്.ഇതിന്റെ ഫോട്ടോ ഫെയ്സ് ബുക്കിൽ പോസ്റ്റ് ചെയ്യുകയും ചെയ്തു.എന്നാൽ ബോർഡ് വയ്ക്കുന്നത് സിസിടിവിയിൽ തെളിഞ്ഞതോടെ സംഭവം പുറത്തായി .സംഭവത്തില് യുഡിഎഫ് മണ്ഡലം കമ്മറ്റി പൊലീസില് പരാതി നല്കി. വാടാനപ്പള്ളിയില് പ്രതിഷേധവും സംഘടിപ്പിച്ചു.
