തിരുവനന്തപുരം: സംസ്ഥാനത്ത് ഇടവപ്പാതി മഴക്കാലം (തെക്കു പടിഞ്ഞാറൻ കാലവർഷം) 26-ന് തുടങ്ങുമെന്ന് കാലാവസ്ഥാ വകുപ്പ്. ഇനിയുള്ള ദിവസങ്ങളിലും കേരളത്തിൽ ശക്തമായ മഴ തുടരാനാണ് സാധ്യത. തെക്കുപടിഞ്ഞാറൻ കാലവർഷം കരയിൽ ആദ്യം കടക്കുന്നത് കേരളത്തിലാണ്.
ആൻഡമാൻ നിക്കോബാർ ദ്വീപുകളിൽ ശനിയാഴ്ച എത്തുമെന്നാണ് പ്രവചനം. കേരളത്തിലേക്കു വ്യാപിക്കാൻ പത്തു ദിവസമെടുക്കും. കഴിഞ്ഞവർഷം
മേയ് 27-നാണ് എത്തിയിരുന്നത്.
ശനിയാഴ്ച ഏഴ് ജില്ലകളിൽ ഒറ്റപ്പെട്ട കനത്ത മഴയ്ക്കുള്ള മഞ്ഞ മുന്നറിയിപ്പ്
നൽകി. തിരുവനന്തപുരം മുതൽ എറണാകുളം വരെയുള്ള ഏഴ് ജില്ലകൾക്കാണിത്. ഞായറാഴ്ച എട്ട് ജില്ലകളിൽ കനത്തമഴ പ്രതീക്ഷിക്കുന്നുണ്ട്. ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണിത്.





