ന്യൂഡല്ഹി: ഹോര്മുസ് കടലിടുക്ക് അടച്ച ശേഷം ഹോര്മുസ് കടലിടുക്ക് കടന്ന് 11ാമത്തെ ഇന്ത്യന് ചരക്ക് കപ്പല് ഗുജറാത്തില് എത്തി. 20000 മെട്രിക് ടണ് എല്പിജി ഗ്യാസുമായി സിമി എന്ന കപ്പലാണ് ഗുജറാത്തിലെ കണ്ട് ലയിലുള്ള ദീന്ദയാല് തുറമുഖത്ത് ഇന്ന് എത്തിയത്.
ഖത്തറിലെ റാസ് ലഫാന് ടെര്മിനലില് നിന്നാണ് ഈ ചരക്ക് കപ്പല് പുറപ്പെട്ടത്. മെയ് 13ന് ഹോര്മുസ് കടന്നെങ്കിലും മെയ് 17നാണ് ഗുജറാത്തില് എത്തിയത്. ഇന്ത്യയുടെ പാചകവാതക വിതരണത്തിലെ ക്ഷാമത്തിന് ഈ കപ്പലിലെ 20000 മെട്രിക് ടണ് പാചകവാതകം താൽക്കാലിക ആശ്വാസമാകും.
