ന്യൂഡൽഹി : പുൽവാമ ഭീകരാക്രമണത്തിന്റെ സൂത്രധാരൻ ഹംസ ബുർഹാൻ അജ്ഞാതരുടെ വെടിയേറ്റു മരിച്ചു .പാക് അധീന കശ്മീരിലെ മുസാഫറാബാദിൽ വച്ചാണ് നിരോധിത ഭീകരസംഘടനയായ ‘അൽ ബദർ’ കമാൻഡർ ഹംസ ബുർഹാൻ കൊല്ലപ്പെട്ടത്. ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല.
‘ഡോക്ടർ’ എന്നറിയപ്പെടുന്ന ഹംസ ബുർഹാന് ഒന്നിലധികം വെടിയുണ്ടകൾ ഏറ്റു. സംഭവസ്ഥലത്തു വെച്ചു തന്നെ അയാൾ മരിച്ചതായാണ് വിവരം. കശ്മീരിലെ പുൽവാമ സ്വദേശിയായ ഹംസ ബുർഹാനെ 2022-ൽ ഇന്ത്യൻ ആഭ്യന്തര മന്ത്രാലയം ഭീകരനായി പ്രഖ്യാപിച്ചിരുന്നു. 2019 ഫെബ്രുവരിയിൽ പുൽവാമയിൽ സിആർപിഎഫ് വാഹനവ്യൂഹത്തെ ലക്ഷ്യമിട്ട് നടന്ന ആക്രമണത്തിൽ 40 ലധികം സൈനികരാണ് കൊല്ലപ്പെട്ടത് .
