തിരുവനന്തപുരം : ദേശാഭിമാനി വാരാന്തപ്പതിപ്പിലെ വിവാദ ലേഖനവുമായി ബന്ധപ്പെട്ട് വാരാന്തപ്പതിപ്പ് എഡിറ്റർ കെ ആർ അജയനെ ചുമതലയിൽ നിന്നും മാറ്റി.ടി. ചന്ദ്രമോഹനാണ് പകരച്ചുമതല. അജയനോട് കഴിഞ്ഞദിവസം റസിഡൻ്റ് എഡിറ്റർ വിശദീകരണം തേടിയിരുന്നു. വിശദീകരണം തൃപ്തികരമല്ലെന്ന് ചൂണ്ടിക്കാട്ടിയാണ് നടപടി.
ലേഖനത്തിന് പറ്റിയ തലക്കെട്ട് കള്ളൻ വിജയൻ എന്ന് തന്നെയാണെന്നായിരുന്നു വാരാന്തപ്പതിപ്പ് എഡിറ്റർ കെആർ അജയൻ്റെ നിലപാട്. തലക്കെട്ട് മാറ്റാൻ ആവശ്യപ്പെട്ടിട്ടും തയാറാകാതെ മാധ്യമങ്ങൾക്ക് വിവരം ചോർത്തിയെന്ന് കാണിച്ചാണ് വാരാന്തപ്പതിപ്പ് എഡിറ്റർക്ക് റസിഡൻറ് എഡിറ്റർ കാരണം കാണിക്കൽ നോട്ടീസ് നൽകിയത്.അതേസമയം , ‘കള്ളൻ വിജയൻ’ ലേഖനം എഴുതിയ മുതിർന്ന മാധ്യമപ്രവർത്തകൻ ടി.സി. രാജേഷ് അതിന്റെ പൂർണരൂപം ഫേസ്ബുക്കിൽ പ്രസിദ്ധീകരിച്ചിരുന്നു.
