കൊല്ലം : കൊട്ടാരക്കരയില്‍ 30 ലക്ഷം രൂപയുടെ ബ്രൗണ്‍ ഷുഗറുമായി അസം സ്വദേശി പിടിയിലായി. നാഗോൺ സ്വദേശി റബ്ബുൽ ഇസ്ലാമിനെയാണ് പോലീസ് അറസ്റ്റ് ചെയ്തത്. ഇയാളിൽനിന്ന് 98.048 ഗ്രാം ബ്രൗൺഷുഗറും 36.532 ഗ്രാം കഞ്ചാവും പിടിച്ചെടുത്തു.
ഇന്നലെ അര്‍ധരാത്രിയോടെ നടത്തിയ പരിശോധനയിലാണ് മയക്കുമരുന്ന് പിടികൂടിയത്.എട്ട് പ്ലാസ്റ്റിക് ബോക്‌സുകളിലായി പ്ലാസ്റ്റിക് കവറുകളിലായാണ് ബ്രൗണ്‍ ഷുഗര്‍ സൂക്ഷിച്ചിരുന്നത്. കൊല്ലം ജില്ലയുടെ വിവിധ ഭാഗങ്ങളിൽ വിതരണം ചെയ്യുന്നതിനായാണ് ലഹരിവസ്തുക്കൾ എത്തിച്ചതെന്നാണ് പ്രാഥമിക നിഗമനം.
