തിരുവല്ല: ശബരിമല തീർത്ഥാടനത്തോടനുബന്ധിച്ച് റോഡ് നവീകരണ പ്രവർത്തനങ്ങൾ നടക്കുന്നതിനാൽ തിരുവല്ലയിലെ ആറ് പ്രധാന റോഡുകളിൽ നവംബർ 19-ന് ഗതാഗത നിയന്ത്രണം ഏർപ്പെടുത്തി. നിർമ്മാണ പ്രവർത്തനങ്ങൾ പൂർത്തിയാകുന്നതുവരെ റോഡുകൾ ഭാഗികമായി അടച്ചിടുമെന്ന് പൊതുമരാമത്ത് വകുപ്പ് അറിയിച്ചു.
തിരുവല്ല നിരത്ത് വിഭാഗത്തിന്റെ പരിധിയിൽ വരുന്ന പബ്ലിക് ഓഫീസ് റോഡ്, ടെമ്പിൾ റോഡ്, പോസ്റ്റ് ഓഫീസ് റോഡ്, ഒന്നാം മൈൽ – തിരുവല്ല – പുളിക്കീഴ് റോഡ്, കുളക്കാട്ടിൽ റോഡ്, പഴയ കായംകുളം – തിരുവല്ല റോഡ്, ബഥനി ചർച്ച് റോഡ് എന്നീ വിടങ്ങളിലാണ് പണികൾ നടക്കുക.
റോഡ് നവീകരണ പ്രവർത്തനങ്ങൾ നടക്കുന്ന സാഹചര്യത്തിൽ യാത്രക്കാർ ഗതാഗത നിയന്ത്രണങ്ങളോട് സഹകരിക്കണമെന്നും യാത്രകൾ മുൻകൂട്ടി ക്രമീകരിക്കണമെന്നും അധികൃതർ അറിയിച്ചു.





