തിരുവല്ല: മതിൽഭാഗം ശ്രീഗോവിന്ദൻകുളങ്ങര ദേവീക്ഷേത്രത്തിൽ ആദ്യ വെള്ളിയാഴ്ചയോടനുബന്ധിച്ചുള്ള പൂമൂടൽ വഴിപാട് ഭക്തിനിർഭരമായ ചടങ്ങുകളോടെ നടന്നു. മേൽശാന്തി കുളങ്ങര മഠത്തിൽ ജി. ശങ്കരൻ നമ്പൂതിരിയുടെ മുഖ്യകാർമികത്വത്തിൽ കുളങ്ങര മഠത്തിൽ ഹരീഷ് നമ്പൂതിരി സഹകാർമികനായി ചടങ്ങുകൾക്ക് നേതൃത്വം നൽകി. ശ്രീകുമാർ ചെമ്പോലിൽ പൂമൂടൽ വഴിപാട് സമർപ്പിച്ചു.
ഭക്തജനങ്ങളുടെ കൂട്ടായ്മയിൽ നടന്ന ദേവീനാമജപവും സമൂഹപ്രാർഥനയും നാമജപ പുഷ്പഘോഷയാത്രയും തുടർന്ന് പ്രസന്നപൂജയും നടന്നു. ഇതിനു ശേഷമായിരുന്നു പൂമൂടൽ വഴിപാട്. ക്ഷേത്രഭരണസമിതി പ്രസിഡന്റ് ആർ.പി. ശ്രീകുമാർ, സെക്രട്ടറി ശ്രീകുമാർ കൊങ്ങരേട്ട്, ജിതീഷ് കുമാർ, ഗണേഷ് രാഗവില്ല, വിനോദ് കുമാർ, രാജശേഖരൻ തുടങ്ങിയവർ ചടങ്ങുകൾക്ക് നേതൃത്വം നൽകി.
2027-ലെ പൂമൂടൽ വഴിപാടിനുള്ള ബുക്കിങ് പൂർത്തിയായതായി ക്ഷേത്രഭാരവാഹികൾ അറിയിച്ചു.





