സർക്കാർ സ്ഥാപനങ്ങളിലും, ബാങ്കുകളിലും മറ്റും ജോലി ചെയ്യുന്ന സെക്യൂരിറ്റി ജീവനക്കാർക്ക് കൃത്യസമയത്ത് ശമ്പളം ലഭിക്കുന്നുണ്ടെന്നും അത് തങ്ങളോടുള്ള വിവേചനം ആണെന്നും സ്വകാര്യമേഖലയിലെ സെക്യുരിറ്റി ജീവനക്കാർ ആരോപിക്കുന്നു. ജോലിയിൽ പ്രവേശിക്കുമ്പോൾ തൊട്ടടുത്ത മാസം അഞ്ചാം തീയതിക്കുള്ളിൽ ശമ്പളം ലഭിക്കുമെന്ന വാഗ്ദാനം ഒട്ടുമിക്ക സ്വകാര്യ ഏജൻസികളും പാലിക്കാറില്ല. എന്നാണ് സെക്യൂരിറ്റി ജീവനക്കാർ പറയുന്നത്.
പരാതികൾ ഉന്നയിച്ചാൽ തൊഴിൽ നഷ്ടപ്പെടുമെന്നുള്ള ഭയമുണ്ടെന്നും ജീവനക്കാർ പങ്കുവെച്ചു . തൊഴിൽ നഷ്ടപ്പെടുമെന്നുള്ള ഭീതി ഒട്ടുമിക്ക സെക്യൂരിറ്റി ജീവനക്കാരും പ്രതികരിക്കാൻ പോലും തയ്യാറായില്ല. ജൂൺ മാസത്തിലെ തൊഴിലിന്റെ വേതനം ഇതുവരെയും ലഭിക്കാത്ത നിരവധി സെക്യൂരിറ്റി ജീവനക്കാർ പരാതിപ്പെട്ടിട്ടുണ്ട്.
അതേ സമയം കൃത്യസമയത്ത് ശമ്പളം ലഭിക്കാത്തതിനാൽ ജീവനക്കാർ അസ്വസ്ഥരും ഏറെ ബുദ്ധിമുട്ട് അനുഭവപ്പെടുന്നു എന്നുമാണ് സംസ്ഥാന വ്യാപകമായി നടത്തിയ സർവ്വേയിൽ നിന്നും മനസ്സിലായതെന്ന് സംസ്ഥാന സെക്രട്ടറി അഡ്വ. രാജേഷ് നെടുമ്പ്രം പ്രതികരിച്ചു.
