കൊച്ചി : എയർ ഇന്ത്യ എക്സ്പ്രസിലെ ജീവനക്കാരുടെ സമരം ഒത്തുതീർപ്പായതോടെ സർവീസുകൾ പുനരാരംഭിച്ചു.സിക്ക് ലീവ് എടുത്ത കാബിൻ ക്രൂ അംഗങ്ങൾ ഫിറ്റ്നസ് സർട്ടിഫിക്കറ്റ് നൽകി ജോലിയില്‍ പ്രവേശിച്ചു തുടങ്ങി.ഡൽഹിയിൽ ചീഫ് ലേബർ കമ്മീഷണറുടെ മധ്യസ്ഥതയിൽ നടന്ന ചർച്ചയിൽ ജീവനക്കാരുടെ പ്രശ്നങ്ങൾ പരിശോധിക്കാമെന്ന് മാനേജ്മെന്റ് ഉറപ്പ് നൽകിയിരുന്നു.പിരിച്ചുവിട്ട 25 ജീവനക്കാരെ തിരിച്ചെടുക്കാനും തീരുമാനമായി.
സമരം തീർന്നെങ്കിലും വിമാന സർവീസുകളെല്ലാം പൂർണമായും സാധാരണ നിലയിലാകാൻ 2 ദിവസം എടുക്കുമെന്നാണ് സൂചന.അതേസമയം ഇന്നും എയർ ഇന്ത്യ സർവിസുകൾ മുടങ്ങിയിട്ടുണ്ട് .കണ്ണൂരില്‍ നിന്നും അഞ്ചും നെടുമ്പാശേരിയില്‍ നിന്നുള്ള രണ്ടും സര്‍വീസുകളുമാണു റദ്ദാക്കിയത് .
