മാന്നാർ: രാമായണ മാസാചരണത്തോടനുബന്ധിച്ച് അദ്ധ്യാത്മരാമായണത്തെ ആസ്പദമാക്കിയുള്ള ഇരുപത്തിനാലാമത് അഖില കേരള രാമായണമേള ആഗസ്ത 2 മുതൽ 9 വരെ മാന്നാർ തൃക്കുരട്ടി മഹാദേവർ ക്ഷേത്രാങ്കണത്തിൽ നടക്കും. 2ന് രാവിലെ 10ന് രാമായണമേളയുടെ ഉദ്ഘാടനം എഡിജിപി. എസ്. ശ്രീജിത്ത് നിർവഹിക്കും.
തെക്കേടത്ത് കുഴിക്കാട്ടില്ലത്ത് വാസുദേവൻ പരമേശ്വരൻ ഭട്ടതിരിപ്പാട് അധ്യക്ഷത വഹിക്കും. 11ന് ശബരീസത്ക്കാരം. പ്രഭാഷണം ഡോ. എ. രാധാകൃഷ്ണൻ. 11.30മുതൽ മുതിർന്നവരുടെ മത്സരങ്ങൾ. ആഗസ്ത് 3 മുതൽ 7 വരെ വൈകിട്ട് 7ന് പ്രഭാഷണപരമ്പര. 8, 9 തീയതികളിൽ എൽപി, യുപി, എച്ച്എസ്, എച്ച്എസ്എസ്, കോളജ് വിദ്യാർത്ഥികൾക്കായുള്ള മത്സരങ്ങൾ. താല്പര്യമുള്ള വിദ്യാർത്ഥികൾ ആഗസ്റ്റ് 5ന് വൈകിട്ട് 5 മണിക്ക് മുമ്പായി സ്‌കൂൾ അധികാരിയുടെ സാക്ഷ്യപത്രത്തോടുകൂടി പേര് രജിസ്റ്റർ ചെയ്യേണ്ടതാണ്. വിശദവിവരങ്ങൾക്ക് ഫോൺ: 9061175555, 9562656781.
