ആലപ്പുഴ: കേരളത്തിലെ എല്ലാ ഉൾനാടൻ യന്ത്രവൽകൃത യാനങ്ങളും രജിസ്ട്രേഷന് വാർഷിക സർവ്വേ നടപടികൾക്കും മറ്റു സുരക്ഷാ പരിശോധനകൾക്കും വിധേയമാക്കേണ്ടതുണ്ട്. ഇതിനായി ആഗസ്റ്റ് 31 വരെ അപേക്ഷിക്കാം.
സർവേ രജിസ്ട്രേഷൻ നടപടികൾക്ക് വിധേയമാക്കാത്ത എല്ലാ യാനങ്ങളും പിടികൂടി നശിപ്പിക്കുന്ന നടപടികളിലേക്ക് കേരള മാരിടൈം ബോർഡ് കടക്കും. ഇതിനു മുമ്പായി സർവ്വേ – രജിസ്ട്രേഷൻ നടപടികൾക്കായി അപേക്ഷിക്കുവാനുള്ള അവസരം (ആലപ്പുഴ പോർട്ട് ഓഫ് രജിസ്ട്രി ഒഴികെ) നൽകിക്കൊണ്ട് കേരള മാരിടൈം ബോർഡ് പബ്ലിക് നോട്ടീസ് നൽകിയിട്ടുണ്ട്. ആഗസ്റ്റ് ഒന്നിന് അവസാനിച്ച ഈ അവസരം ആഗസ്റ്റ് 31 വരെ ദീർഘിപ്പിച്ചതായി കേരള മാരിടൈം ബോർഡ് ചീഫ് എക്സിക്യൂട്ടീവ് ഓഫീസർ പറഞ്ഞു.
ഇനിയൊരു അവസരം ഇതിനായി നൽകുന്നതല്ലെന്നും രജിസ്ട്രേഷന് സർവ്വേ സർട്ടിഫിക്കറ്റ് ഇല്ലാത്തതും സുരക്ഷാ മാർഗ്ഗനിർദ്ദേശങ്ങൾ പാലിക്കാത്തതുമായ ഹൗസ് ബോട്ടുകളടക്കമുള്ള എല്ലാ യാനങ്ങൾക്കും പിഴ ഈടാക്കുന്നതും സർവീസ് യോഗ്യമല്ലാത്തവ പിടികൂടി നശിപ്പിക്കുന്നതുമാണെന്ന് രജിസ്റ്ററിങ് അതോറിറ്റിയായ തുറമുഖ ഓഫീസർ അറിയിച്ചു.
