തിരുവല്ല: ഓട്ടോറിക്ഷ തൊഴിലാളികൾക്കിടയിൽ ഐക്യവും സാഹോദര്യ മനോഭാവവും ഏറെ ആവശ്യമാണെന്ന് ബിഎംഎസ് മേഖല പ്രസിഡന്റ് സുരേന്ദ്രൻ നായർ പറഞ്ഞു. തിരുവല്ല റെയിൽവേ സ്റ്റേഷൻ പരിസരത്തുള്ള മെയിൻ റോഡ് പുളിഞ്ചോട് സ്റ്റാൻഡിലെ ബിഎംഎസിന്റെ ഓട്ടോറിക്ഷ യൂണിറ്റ്
ഉദ്ഘാടനം ചെയ്ത് സംസാരിക്കുക ആയിരുന്നു അദ്ദേഹം.
സാധാരണക്കാരും, പാവപ്പെട്ടവരും ഏറെയധികം ആശ്രയിക്കുന്ന സഞ്ചാരമാർഗമായ ഓട്ടോറിക്ഷ തൊഴിലാളികൾ യാത്രക്കാരോട് അങ്ങേയറ്റം സഹാനുഭൂതിയും സഹായ മനസ്കതയും പ്രകടിപ്പിക്കാൻ ബാധ്യസ്ഥരാണ്. ഒരു തൊഴിലിനെക്കാളുപരി സാമൂഹ്യ സേവനമാണ് തങ്ങൾ ചെയ്യുന്നതെന്ന് ബോധം ഓരോ ഓട്ടോ തൊഴിലാളികൾക്കും ഉണ്ടാകേണ്ടതുണ്ടന്ന് അദ്ദേഹം സൂചിപ്പിച്ചു.
ചടങ്ങിൽ മേഖലാ വൈസ് പ്രസിഡന്റ് അഡ്വ. രാജേഷ് നെടുമ്പ്രം, മുനിസിപ്പാലിറ്റി യൂണിറ്റ് പ്രസിഡന്റ് സി. രാജു തുടങ്ങിയവർ പ്രസംഗിച്ചു.
