ന്യൂഡല്‍ഹി: റെയില്‍ നീര്‍ എന്ന പേരില്‍ ട്രെയിനുകളിലും റെയില്‍വേ സ്റ്റേഷനുകളിലും വില്‍ക്കുന്ന കുപ്പിവെള്ളത്തിന്റെ വിലകുറച്ച് റെയില്‍വേ. ജിഎസ്ടി പരിഷ്‌കരണത്തിന്റെ പ്രയോജനം യാത്രക്കാര്‍ക്ക് ലഭ്യമാക്കുന്നതിന്റെ ഭാഗമായാണ് നടപടിയെന്ന് മന്ത്രാലയം വ്യക്തമാക്കി.
സെപ്റ്റംബര്‍ 22 മുതല്‍ വിലക്കുറവ് നിലവില്‍ വരും. ഇതോടെ ഒരു ലിറ്ററിന്റെ റെയില്‍ നീര്‍ കുപ്പിവെള്ളത്തിന് 14 രൂപയാകും വില. മുന്‍പ് ഇത് 15 രൂപയായ അര ലിറ്റര്‍ റെയില്‍ നീരിന്റെ വില 10 രൂപയില്‍നിന്ന് 9 രൂപയായും കുറച്ചിട്ടുണ്ട്. റെയില്‍വേ മന്ത്രാലയം ഔദ്യോഗിക എക്‌സ് കുറിപ്പിലൂടെയാണ് ഇക്കാര്യം അറിയിച്ചത്.
റെയില്‍ നീരിന് മാത്രമല്ല വിലക്കുറവുണ്ടാകുകയെന്നും മന്ത്രാലയം അറിയിച്ചിട്ടുണ്ട്. റെയില്‍വേ സ്റ്റേഷനുകളിലും ട്രെയിനുകളിലും വില്‍ക്കുന്ന ഐആര്‍സിടിസിയുടെയോ റെയില്‍വേയുടെയോ പട്ടികയിലുള്ള മറ്റു ബ്രാന്‍ഡുകളുടെ കുപ്പിവെള്ളത്തിനും ഈ വില വ്യത്യാസം ബാധകമാണ്.
