പത്തനംതിട്ട റവന്യൂ ജില്ലാ കേരള സ്കൂൾ കലോത്സവത്തിന്റെ ലോഗോ പ്രകാശനം ചെയ്തു

പത്തനംതിട്ട: പത്തനംതിട്ട റവന്യൂ ജില്ലാ കേരള സ്കൂൾ കലോത്സവം നവംബർ 25 മുതൽ 28 വരെ സെന്റ് തോമസ് ഹയർ സെക്കണ്ടറി സ്കൂൾ കോഴഞ്ചേരി, ഗവൺമെന്റ് ഹൈസ്കൂൾ കോഴഞ്ചേരി, എം.ഡി. എൽ.പി.എസ്.കോഴഞ്ചേരി, ജി.യു.പി.എസ് കോഴഞ്ചേരി ഈസ്റ്റ്‌ എന്നീ  സ്കൂളുകളിലായി നടക്കും. കലോത്സവത്തിന്റെ ലോഗോ പ്രകാശനം  പത്തനംതിട്ട വിദ്യാഭ്യാസ ഉപഡയറക്ടർ ബി.ആർ.അനില നിർവ്വഹിച്ചു.

കോന്നി ഗവൺമെന്റ് ഹയർ സെക്കൻഡറി സ്കൂളിലെ അഭിരാം സന്തോഷ് എന്ന വിദ്യാർത്ഥി തയ്യാറാക്കിയ ലോഗോയാണ് കലോത്സവത്തിന്റെ ലോഗോയായി തെരഞ്ഞെടുത്തത്. വിദ്യാകിരണം മിഷൻ ജില്ലാ കോർഡിനേറ്റർ  പ്രകാശ്.എ.കെ, ഹാഷിം.ടി.എച്ച്,റഹ്മത്തുള്ള ഖാൻ.പി.എ, മുഹമ്മദ് അക്ബർ, ബിജു.ജി.നായർ, സുജാ സാറ ജോൺ, ആശാ വി വർഗീസ്, അഡ്വ. ജയൻ, സനൽ കുമാർ. ജി,അനിത ദിവോദയം, മനോജ്. ബി ,രമേശ്, ജ്യോതിഷ് എന്നിവർ പങ്കെടുത്തു.