പുസ്തക ദിനാചരണം നടത്തി

ചങ്ങനാശ്ശേരി : ലോക പുസ്തക ദിനത്തോടനുബന്ധിച്ചു കെ റെയിൽ വിരുദ്ധ ജനകീയ സമിതിയുടെ നേതൃത്വത്തിൽ പുസ്തക ദിനാചരണം നടത്തി. സിൽവർ ലൈൻ വിരുദ്ധ സമിതി രക്ഷാധികാരി ജോസഫ് എം പുതുശ്ശേരി എക്സ് എം എൽ എ ജില്ലാ രക്ഷാധികാരി വി ജെ ലാലിക്കു പുസ്തകം നൽകികൊണ്ട് ഉത്ഘാടനം ചെയ്തു. സമിതി ജില്ലാ ചെയർമാൻ ബാബു കുട്ടൻചിറ അധ്യക്ഷത വഹിച്ചു. ബി രാധാകൃഷ്ണമേനോൻ, മിനി കെ ഫിലിപ്പ്, ശശികല കെ എസ്,പി റ്റി ഫിലിപ്പ്, ജിജി ജോർജ്, ത്രേസ്യാമ്മ പുതുപ്പറമ്പിൽ, രമ്യ വിനോദ് എന്നിവർ പ്രസംഗിച്ചു.സാമൂഹ്യ വിമർശനങ്ങളടങ്ങിയ പുതുശ്ശേരിയുടെ ഏഴു പുസ്തകങ്ങളെക്കുറിച്ച് ചർച്ചയും നടന്നു.