ആറന്മുള : പാർത്ഥസാരഥി ക്ഷേത്രത്തിലെ പ്രതിഷ്ഠാ ദിനമായ ചിങ്ങമാസത്തിലെ ഉതൃട്ടാതി നാളായ ഇന്ന് ആറന്മുള പള്ളിയോടങ്ങൾ പങ്കെടുക്കുന്ന ജലഘോഷയാത്ര പമ്പാനദിയിലെ നെട്ടായത്തിൽ നടക്കും. ഇക്കുറി തിരുവോണം വൈകുന്നതിനാൽ ഉത്രട്ടാതി ജലോത്സവം സെപ്റ്റംബർ 19നാണ്. ഇത് കന്നിമാസത്തിലുമാണ്.
ഇന്നു രാവിലെ 10.30 ന് സത്രക്കടവിൽ നിന്നാരംഭിക്കുന്ന ഘോഷയാത്രത്തിൽ രണ്ട് പള്ളിയോടങ്ങൾ വീതം പരപ്പുഴ കടവിലെത്തും. ഇവിടെ നിന്നും തിരികെ മുധക്കടവിലെത്തി പൊതിയും പഴവും ക്ഷേത്ര പ്രസാദവും പുകയിലയും ദക്ഷിണയായി നൽകും.
ആറന്മുള പാർത്ഥസാരഥി ക്ഷേത്രത്തിലെ പ്രസിദ്ധമായ അഷ്ടമിരോഹിണി വള്ളസദ്യ 26 നു നടക്കും. കേന്ദ്ര മന്ത്രി സുരേഷ് ഗോപി ഉദ്ഘാടനം ചെയ്യും.
