പത്തനംതിട്ട : സെന്‍സസിന്റെ ഭാഗമായി വീടുകളുടെ വിവരശേഖരണം ജില്ലയില്‍ അവസാന ഘട്ടത്തില്‍. പന്തളം, അടൂര്‍ നഗരസഭകളിലും തിരുവല്ല താലൂക്കിലും വിവരശേഖരണം പൂര്‍ത്തിയായി. മറ്റിടങ്ങളില്‍ ജൂലൈ 28നുള്ളില്‍ പൂര്‍ത്തിയാകും.
സെന്‍സസ് പുരോഗതി വിലയിരുത്താന്‍ ജില്ല കലക്ടര്‍ എ നിസാമുദ്ദീന്റെ അധ്യക്ഷതയില്‍ ചാര്‍ജ് ഓഫീസര്‍മാരുടെ യോഗം ചേര്‍ന്നു. വിവരശേഖരണത്തില്‍ ഒരു വീടുപോലും വിട്ടു പോയിട്ടില്ലെന്ന് ഉറപ്പാക്കണം. ശേഖരിച്ച വിവരം സൂപ്പര്‍വൈസര്‍മാര്‍ അടിയന്തരമായി പോര്‍ട്ടലില്‍ ചേര്‍ക്കണം. സെന്‍സസ് കൈ പുസ്തകം തയ്യാറാക്കുന്നതിന് ഉദ്യോഗസ്ഥരെ ജൂലൈ 30നകം നിയമിക്കുമെന്നും ജില്ല കലക്ടര്‍ അറിയിച്ചു.
