പത്തനംതിട്ട: തിരഞ്ഞെടുപ്പ് ചട്ട ലംഘനം നടത്തിയെന്ന പരാതിയിൽ പത്തനംതിട്ട ലോക്സഭാ മണ്ഡലം എൽ ഡി എഫ് സ്ഥാനാർഥി ഡോ.ടി.എം.തോമസ് ഐസകിനോട് ജില്ലാ കലക്ടർ വിശദീകരണം തേടി. യുഡിഎഫ് നൽകിയ പരാതിയിൽ 3 ദിവസത്തിനകം മറുപടി നൽകണമെന്നാണ് കലക്ടർ എം. പ്രേംശങ്കർ നിർദേശം നൽകിയിരിക്കുന്നത്.
തിരഞ്ഞെടുപ്പ് പ്രചാരണത്തിന് സർക്കാർ സംവിധാനങ്ങൾ എൽഡി എഫ് സ്ഥാനാർഥിയായ തോമസ് ഐസക് ദുരുപയോഗം ചെയ്യുന്നുവെന്നാരോപിച്ചാണ് യുഡിഎഫ് പരാതി നൽകിയത്.
സർക്കാർ സ്ഥാപനങ്ങളെയും കുടുംബശ്രീ പ്രവർത്തകരെയും തോമസ് ഐസക്കിന്റെ പ്രചാരണത്തിനായി ഉപയോഗിക്കുന്നുവെന്നും യുഡിഎഫ് ആരോപിച്ചിരുന്നു ജില്ലാ കലക്ടർ വിശദീകരണം തേടിയതിലൂടെ ചട്ടലംഘനം വ്യക്തമായതായി ഡിസിസി പ്രസിഡന്റ് സതീഷ് കൊച്ചുപറമ്പിൽ പറഞ്ഞു
