തിരുവനന്തപുരം : മുഖ്യമന്ത്രിയെ തീരുമാനിക്കുന്നതിനുള്ള കോണ്ഗ്രസ് നിയമസഭാ കക്ഷി യോഗം ഇന്ന്. എഐസിസി നിരീക്ഷകരായ മുകുള് വാസ്നിക്കും അജയ് മാക്കനും നേതാക്കളുമായും എംഎല്എമാരുമായും കൂടിക്കാഴ്ച്ച നടത്തും . 2021ല് ചെന്നിത്തലയെ പ്രതിപക്ഷ നേതൃസ്ഥാനത്തുനിന്നു മാറ്റിയ രീതി ആവര്ത്തിക്കരുതെന്ന് മുതിര്ന്ന നേതാക്കൾ ആവശ്യപ്പെട്ടതായാണ് വിവരം .അഭിപ്രായങ്ങള് ഇന്നുതന്നെ ഹൈക്കമാന്ഡിനെ അറിയിക്കും.ഘടകകക്ഷി നേതാക്കളുമായി നിരീക്ഷകർ ചർച്ച നടത്തും. ഇന്ന് വൈകുന്നേരം നാലരക്കാണ് ചർച്ച നടക്കുക.
മുഖ്യമന്ത്രിയ്ക്കായുള്ള പക്ഷം പിടിച്ചുള്ള പോസ്റ്ററുകൾ പലയിടത്തും ഉയർന്നിട്ടുണ്ട്. ഡല്ഹിയില് കേരള ഹൗസിന് മുന്നില് വി ഡി സതീശന് വേണ്ടിയും കെപിസിസി ആസ്ഥാനത്തിന് മുന്നില് കെസി വേണുഗോപാലിന് വേണ്ടിയും ഫ്ളക്സ് ബോര്ഡുകള് പ്രത്യക്ഷപ്പെട്ടു.കഴിഞ്ഞദിവസം രാത്രി വി ഡി സതീശനായി പന്തം കൊളുത്തി പ്രകടനം നടന്നിരുന്നു.
