കോഴിക്കോട് കെഎസ്ആർടിസി ബസ് സ്റ്റാന്റിൽ സീലിങ് അടർന്നു വീണ് യാത്രക്കാർക്ക് പരിക്ക്

കോഴിക്കോട് : കോഴിക്കോട് കെഎസ്ആർടിസി ബസ് സ്റ്റാന്റിൽ സീലിങ് അടർന്നു വീണ് രണ്ട് യാത്രക്കാർക്ക് പരിക്ക്.ഇന്ന് പുലര്‍ച്ചെയാണ് യാത്രക്കാരുടെ തലയിൽ ജിപ്‌സം സീലിംഗ് ഇളകി വീണത്.യാത്രക്കാര്‍ ബസ് കാത്തിരിക്കുന്ന ഇടത്തെ സീലിങാണ് അടര്‍ന്ന് വീണത്. തലയില്‍ ചെറിയ മുറിവ് മാത്രമാണുള്ളത്. പുലർച്ചെ ആയതിനാൽ വലിയ അപകടം ഒഴിവായി. 2021ൽ മദ്രാസ് ഐഐടി നടത്തിയ പരിശോധനയിൽ കെട്ടിടത്തിന് അടക്കം ബലക്ഷയമുണ്ടെന്ന് റിപ്പോർട്ട് സമർപ്പിച്ചിരുന്നു.