കൊച്ചി : എറണാകുളം അങ്കമാലിയിൽ ദമ്പതികളെ മരിച്ച നിലയിൽ കണ്ടെത്തി. മില്ലുപടി വെളിയത്ത് വീട്ടിൽ സനൽ, ഭാര്യ സുമി സനൽ എന്നിവരാണ് മരിച്ചത്. സനലിനെ തൂങ്ങിമരിച്ച നിലയിലും സുമിയെ തീപ്പൊള്ളലേറ്റ് മരിച്ച നിലയിലുമാണ് കണ്ടെത്തിയത്. ഇവരുടെ രണ്ടു കുട്ടികളിൽ ഗുരുതരമായി പൊള്ളലേറ്റ ഇളയ മകൻ തീവ്രപചരിചരണ വിഭാഗത്തിൽ ചികിത്സയിലാണ്.
രാത്രി 12 മണിയോടെയായിരുന്നു സംഭവം .വീട്ടിൽ നിന്ന് തീ ഉയരുന്നത് കണ്ട്അയൽവാസികൾ ഓടി ചെന്നപ്പോഴാണ് ഇരുവരേയും മരിച്ചനിലയിൽ കണ്ടെത്തിയത്. ആറും പന്ത്രണ്ടും വയസുള്ള ഇവരുടെ കുട്ടികളെ ഉടൻ രക്ഷിച്ച് പുറത്ത് എത്തിച്ചു. ഇതിൽ ഇളയ കുട്ടിക്ക് ഗുരുതരമായി പൊള്ളലേറ്റിട്ടുണ്ട്. സാമ്പത്തിക ബാധ്യതയെന്ന ആത്മഹത്യ കുറിപ്പ് പോലീസ് പരിശോധനയിൽ വീട്ടിൽ നിന്ന് കണ്ടെത്തി.
