ആറന്മുള : ആശുപത്രികൾക്കുള്ളിൽ രാഷ്ട്രീയ പാർട്ടികളുടെ പൊതിച്ചോറ് വിതരണം ഒരു കാരണവശാലും അനുവദിക്കില്ലെന്ന് ആരോഗ്യ മന്ത്രി കെ. മുരളീധരൻ പറഞ്ഞു. ആറന്മുളയിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. യു ഡി എഫ് സർക്കാരിൻ്റെ നയമാണ് നടപ്പാക്കുന്നത്.
ആശുപത്രികൾക്കുള്ളിൽ രാഷ്ട്രീയ പാർട്ടികളുടെ ഒരു ഇടപെടലുകളും അനുവദിക്കില്ല. അഥവാ അങ്ങനെ ഒരു ശ്രമം ഉണ്ടായാൽ എന്തു വില കൊടുത്തും ചെറുക്കുമെന്നും മന്ത്രി പറഞ്ഞു. ഡിവൈ എഫ് ഐ മാത്രമല്ല സേവാഭാരതിയുടേയോ കോൺഗ്രസിൻ്റെയോ പോലും ഇത്തരം പ്രവർത്തനങ്ങൾ തടയും. ആശുപത്രികൾ ക്കുള്ളിലെ അധികാരം മന്ത്രിക്കാണ് ഉള്ളത്.
കമ്മ്യൂണിറ്റി കിച്ചൻ മുഖേന ആയിരിക്കും ഇനി മുതൽ ആശുപത്രികളിൽ സൗജന്യമായി ഭക്ഷണം വിതരണം ചെയ്യുന്നത്. ഇതിനുള്ള ചർച്ചകൾ നടക്കുകയാണെന്നും കെ. മുരളീധരൻ വ്യക്തമാക്കി
