വീണയ്ക്ക് വീണ്ടും സമൻസ് അയച്ച് ഇഡി : ബുധനാഴ്ച ഹാജരാകാൻ നിർദേശം

കൊച്ചി : സി.എം.ആർ.എൽ.-എക്സാലോജിക് മാസപ്പടി കേസിൽ ടി. വീണയ്ക്ക് വീണ്ടും എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി.) സമൻസ് അയച്ചു .ബുധനാഴ്ച കൊച്ചി ഓഫീസിൽ ചോദ്യം ചെയ്യലിന് നേരിട്ട് ഹാജരാകാനാണ് നിർദേശം. വെള്ളിയാഴ്ച ഹാജരാകാൻ കഴിയില്ലെന്ന് ഉദ്യോഗസ്ഥരെ ഇ-മെയിലിലൂടെ വീണ അറിയിച്ചിരുന്നു. അധികൃതർ ആവശ്യപ്പെട്ട രേഖകൾ അഭിഭാഷകർ മുഖേനെ കൈമാറാമെന്ന വീണയുടെ നിർദേശം തള്ളിയാണ് നേരിട്ട് ഹാജരാകണമെന്ന സമൻസ് ഇ.ഡി. വീണ്ടും അയച്ചത്.