തിരുവല്ല : എൻഡിഎ തിരഞ്ഞെടുപ്പ് പ്രചാരണത്തിൻ്റെ ഭാഗമായി പ്രധാനമന്ത്രി നരേന്ദ്രമോദി ഇന്ന് 3.20 ന് തിരുവല്ല പബ്ലിക് സ്റ്റേഡിയത്തിൽ പ്രസംഗിക്കും. സമ്മേളനത്തിന് മുന്നോടിയായുള്ള പ്രാരംഭ യോഗം സ്റ്റേഡിയത്തിൽ പ്രത്യേകം തയ്യാർ ചെയ്ത പന്തലിൽ ആരംഭിച്ചു.
ബിജെപി ജില്ലാ പ്രസിഡൻ്റ് വി.എ. സൂരജ് യോഗത്തിൽ അധ്യക്ഷത വഹിക്കുകയാണ്. എൻ ഡി എ യുടെ പ്രമുഖ നേതാക്കളുടെ പ്രസംഗം ആരംഭിച്ചു. 3 മണിക്ക് ചങ്ങനാശേരി എൻ എസ് എസ് കോളജ് ഗ്രൗണ്ടിൽ ഇറങ്ങുന്ന പ്രധാനമന്ത്രി റോഡ് മാർഗം തിരുവല്ലയിലെ വേദിയിൽ എത്തും.
തിരുവല്ല, ആറന്മുള, ഹരിപ്പാട്, ചെങ്ങന്നൂർ, മാവേലിക്കര, റാന്നി, കോന്നി, അമ്പലപ്പുഴ, അടൂർ, ചങ്ങനാശേരി, കായംകുളം മണ്ഡലങ്ങളിലെ എൻ ഡി എ സ്ഥാനാർഥികൾ വേദിയിൽ ഉണ്ട്. എറണാകുളം റേഞ്ച് ഡി ഐ ജി അരുൾ ആർബി കൃഷ്‌ണ , കോട്ടയം ജില്ലാ പൊലീസ് മേധാവി എ. ഷാഹുൽ ഹമീദ്, ചങ്ങനാശേരി ഡിവൈ എസ് പി എസ് ആഷാദ് എന്നിവർക്കാണ് സുരക്ഷാ ചുമതല.
