തിരുവല്ല: എം സി റോഡിലെ കുറ്റൂർ പാലത്തിൽ വൈദ്യൂതി വിളക്ക് തെളിഞ്ഞു. കുറ്റൂർ തോണ്ടറ പാലം, ആറാട്ടുകടവ് വരട്ടാർ പാലം, കല്ലിശ്ശേരി ഇറപുഴ പാലം എന്നീ പാലങ്ങളിലാണ് വിളക്ക് തെളിഞ്ഞത്. കഴിഞ്ഞ കുറെ നാളുകളായി രാത്രികാലങ്ങളിൽ പാലത്തിലൂടെ കടന്ന് വരുന്ന വാഹനങ്ങൾ ഇരുട്ടു കാരണം യാത്ര ബുദ്ധിമുട്ട് നേരിട്ടിരുന്നു.
വിളക്ക് പ്രകാശിച്ചതോടെ കുറ്റൂർ തോണ്ടറ പാലം – കുറ്റൂർ കവല,
വരട്ടാർ പാലം – പ്രാവിൻകൂട് കവല, ഇറപ്പുഴ പാലം – മുണ്ടങ്കാവ് കവല വരെ വാഹന യാത്ര എളുപ്പമായി. പാലങ്ങളുടെ വശത്ത് സ്ഥാപിച്ചിരുന്ന സൂചന ബോർഡും, കൈവരിക്ക് വയ്ക്കുന്ന റിഫ്ലക്റുകൾ കാലപ്പഴക്കത്താൽ കാണാൻ സാധിച്ചിരുന്നില്ല. ഇതോടെ അപകടം നിതൃസംഭവമായിരുന്നു.
