തൃശ്ശൂർ : തൃശ്ശൂരിൽ ആനയിടഞ്ഞു.പാറമേക്കാവിൽ തൊഴീക്കാൻ കൊല്ലത്ത് നിന്നെത്തിച്ച ശിവം ലക്ഷ്മി അയ്യപ്പൻ എന്ന ആനയാണ് വിരണ്ടോടിയത്. നഗരത്തിൽ പരിഭ്രാന്തി സൃഷ്ടിച്ച് വിരണ്ടോടിയ ആന നിരവധി കാറുകളും ഓട്ടോകളും ബൈക്കുകളും തകർത്തു. വീടുകളുടെ ഷീറ്റുകളും ഗേയ്റ്റുമെല്ലാം ആന തകർത്തു.
പട്ടിയെ കണ്ട് ഭയപ്പെട്ട് ഓടുകയായിരുന്നുവെന്നാണ് പാപ്പാൻ പറയുന്നത്. രണ്ടരകിലോമീറ്ററോളം ഓടിയ ആന ജനവാസ മേഖലയിലെത്തി ഒരു വീടിന്റെ സമീപത്ത് നിലയുറപ്പിച്ചിരിക്കുകയാണ്.എലിഫന്‍റ് സ്ക്വാഡ് സ്ഥലത്തെത്തി.
