മുഖ്യമന്ത്രി സ്ഥാനത്തിന്‍റെ കാര്യത്തില്‍ കോൺഗ്രസ് ലീഗുമായി ചര്‍ച്ച ചെയ്യുമെന്ന് പ്രതീക്ഷിക്കുന്നു ; സാദിഖലി ശിഹാബ് തങ്ങള്‍

മലപ്പുറം : മുഖ്യമന്ത്രി സ്ഥാനത്തിന്‍റെ കാര്യത്തില്‍ കോൺഗ്രസ് ലീഗുമായി ചര്‍ച്ച ചെയ്യുമെന്ന് പ്രതീക്ഷിക്കുന്നതായി മുസ്ലിം ലീഗ് സംസ്ഥാന അധ്യക്ഷന്‍ സാദിഖലി ശിഹാബ് തങ്ങള്‍. പ്രതിപക്ഷ നേതൃസ്ഥാനം ഏറ്റെടുത്തത് മുതല്‍ പ്രവര്‍ത്തന നിരതനാണ് വി ഡി സതീശന്‍.ഉപമുഖ്യമന്ത്രി സ്ഥാനം ലീഗ് ആവശ്യപ്പെട്ടിട്ടില്ല.മന്ത്രി സ്ഥാനത്തിന്‍റെ കാര്യം കോണ്‍ഗ്രസുമായി ചര്‍ച്ച ചെയ്ത് തീരുമാനിക്കും.കേരള രാഷ്ട്രീയത്തില്‍ മുസ്‌ലിം ലീഗിന് അര്‍ഹതപ്പെട്ടത് തരാന്‍ യുഡിഎഫ് സര്‍വ്വതാ സന്നദ്ധമാണെന്ന് വിശ്വസിക്കുന്നവെന്നും അദ്ദേഹം പറഞ്ഞു.