കൊച്ചി : മുതിർന്ന സിപിഎം നേതാവായിരുന്ന എംഎം ലോറൻസിന്റെ മൃതദേഹം പഠനാവശ്യത്തിന് മെഡിക്കൽ കോളേജിന് വിട്ടുകൊടുക്കുന്നതിനെതിരെ മകൾ ആശാ ലോറൻസ് നൽകിയ ഹർജി ഹൈക്കോടതി തള്ളി.ആശ ഈ ആവശ്യം ഉന്നയിച്ചതിന്റെ അടിസ്ഥാനത്തില്‍ ഹര്‍ജിയില്‍ തീര്‍പ്പാകുന്നതുവരെ മൃതദേഹം സൂക്ഷിക്കാന്‍ കോടതി ഉത്തരവിട്ടിരുന്നു.
കോടതി മെഡിക്കല്‍ കോളേജ് പ്രിന്‍സിപ്പളിനോട് തീരുമാനമെടുക്കാൻ ആവശ്യപ്പെട്ടിരുന്നു.തുടർന്ന് മെഡിക്കല്‍ കോളേജ് പ്രിന്‍സിപ്പള്‍ വാദങ്ങള്‍ കേട്ട ശേഷം മൃതദേഹം ഏറ്റെടുക്കാന്‍ തീരുമാനിച്ചു.ഇതിനെതിരെ ആശ നൽകിയ ഹര്‍ജിയാണ് ഹൈക്കോടതി തള്ളിയിരിക്കുന്നത്.അവസാനകാലത്ത് മകനോടൊപ്പമായിരുന്നു ലോറൻസ് കഴിഞ്ഞിരുന്നത് എന്നുള്ളതടക്കം കോടതി പരിഗണിച്ചു.മൃതദേഹം ക്രിസ്ത്യൻ മതാചാര പ്രകാരം പള്ളിയിൽ സംസ്കരിക്കണമെന്നായിരുന്നു ആശാ ലോറൻസിന്റെ ആവശ്യം.
