ഗുവാഹതി : അസമിൽ മുഖ്യമന്ത്രിയായി ഹിമന്ത ബിശ്വ ശ‍ർമ്മ ഇന്ന് സത്യപ്രതിജ്ഞ ചെയ്യും.ബിജെപി നേതൃത്വത്തിലുള്ള എൻഡിഎ സർക്കാറിൽ ബിജെപിയിൽ നിന്നുള്ള രണ്ട് മന്ത്രിമാരും സഖ്യകക്ഷികളായ അസം ഗണപരിഷത്ത് (എജിപി), ബോഡോലാൻഡ് പീപ്പിൾസ് ഫ്രണ്ട് (ബിപിഎഫ്) എന്നിവയിൽ നിന്നുള്ള ഓരോ വീതം മന്ത്രിമാരും ചുമതലയേൽക്കും. തുടർച്ചയായി രണ്ടാം തവണയാണ് ഹിമന്ത ബിശ്വ ശ‍ർമ്മ മുഖ്യമന്ത്രിയാകുന്നത് .
രാവിലെ 11.40-നാണ് ചടങ്ങ് നിശ്ചയിച്ചിരിക്കുന്നത്.ഖാനപാറ വെറ്ററിനറി കോളേജ് മൈതാനത്തിൽ സജ്ജീകരിച്ച വേദിയിലാണ് സത്യപ്രതിജ്ഞ നടക്കുക. പ്രധാനമന്ത്രി നരേന്ദ്ര മോദിയും നിരവധി കേന്ദ്രമന്ത്രിമാരും ചടങ്ങിൽ പങ്കെടുക്കും.
