എടത്വ: നിയന്ത്രണം വിട്ട കാർ മരത്തിലിടിച്ച് വീട്ടമ്മ മരിച്ചു. എടത്വ ഒലക്കപാടിൽ പരേതനായ തോമസിന്റെ ഭാര്യ പി.സി. ഏലിക്കുട്ടി (ഏലമ്മ-74) ആണ് മരിച്ചത്. ഇന്ന് വൈകിട്ട് 5 മണിക്ക് അമ്പലപ്പുഴ- തിരുവല്ല സംസ്ഥാന പാതയിൽ നെടുമ്പ്രം മണക്ക് ആശുപത്രിക്ക് സമീപത്തായിരുന്നു അപകടം.
തിരുവല്ലയിലെ സ്വകാര്യ ആശുപത്രിയിൽ ചികിത്സയിലായിരുന്ന ഏലിക്കുട്ടിയെ ഡിസ്ചാർജ് ചെയ്ത ശേഷം മകനും ബന്ധുവിനുമൊപ്പം വീട്ടിലേയ്ക്ക് മടങ്ങും വഴിയാണ് നിയന്ത്രണം വിട്ട കാർ മരത്തിൽ ഇടിച്ചത്. ഓടികൂടിയ നാട്ടുകാർ എടത്വ പോലീസ് സ്റ്റേഷനിൽ വിവരം അറിയിച്ചതിനെ തുടർന്ന് എസ്ഐമാരായ സുധീർ, റിജോ, എഎസ്ഐ മുഹമ്മദ് കുഞ്ഞ് എന്നിവർ സംഭവ സ്ഥലത്തെത്തി അപകടത്തിപെട്ട ഏലിയാമ്മയെ തിരുവല്ല താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കാർ ഓടിച്ചിരുന്ന മകൻ റോൺസിക്കും ബന്ധുവായ ഒലക്കപാടിൽ ലാലിച്ചന്റെ മകൻ ലിജിനും കാലിനും കൈക്കും പരിക്കേറ്റിട്ടുണ്ട്. ഇരുവരും തിരുവല്ലയിലെ ആശുപത്രിയിൽ ചികിത്സയിലാണ്. പോലിസ് മേൽ നടപടി സ്വീകരിച്ചു
 ആണ് മരിച്){kind=link}