തിരുവല്ല : കുറ്റൂരിൽ മാവിന്റെ കൊമ്പ് ഒടിഞ്ഞുവീണ് വീട്ടമ്മയ്ക്ക് ദാരുണാന്ത്യം. കുറ്റൂർ പഞ്ചായത്ത് പതിനൊന്നാം വാർഡിൽ മരപ്പാങ്കുഴിയിൽ വീട്ടിൽ പരേതനായ ഉണ്ണികൃഷ്ണന്റെ ഭാര്യ വത്സലകുമാരി(68) ആണ് മരിച്ചത്.
ഇന്ന് വൈകിട്ട് അഞ്ചുമണിയോടെ ആയിരുന്നു സംഭവം. വീടിനു പിൻവശത്ത് ഉണക്കാനിട്ടിരുന്ന കുടംപുളി കുട്ടയിൽ ആക്കുന്നതിനിടെ പുരയിടത്തിലെ മാവിന്റെ കൊമ്പ് ഒടിഞ്ഞ് വത്സലകുമാരിയുടെ മേൽ പതിക്കുകയായിരുന്നു. സംഭവ സ്ഥലത്തു വെച്ച് വത്സലകുമാരി മരണപ്പെട്ടു. മൃതദേഹം തിരുവല്ല താലൂക്ക് ആശുപത്രി മോർച്ചറിയിലേക്ക് മാറ്റി. മക്കൾ – സുനിൽകുമാർ, സ്മിത, മരുമകൾ സിന്ധു
