തിരുവല്ല: സമന്വയ മതസൗഹൃദ വേദിയുടെ ആഭിമുഖ്യത്തിൽ ഇഫ്ത്താർ സൗഹൃദ സംഗമവും, സ്നേഹവിരുന്നും നടത്തി.മതങ്ങൾക്ക് അതീതമായി മനുഷ്യൻ ഒന്നാണന്നും, സമൂഹത്തിൽ പരസ്പര സ്നേഹവും സാഹോദര്യവും നിലനിൽക്കേണ്ടത് കാലഘട്ടത്തിൻ്റെ ആവശ്യകതയാണെന്നുമുള്ള സന്ദേശം ഉൾക്കൊള്ളുന്നതായിരുന്നു റംസാനിലെ പ്രൗഢഗംഭീരമായ സ്നേഹ കൂട്ടായ്മ. മാത്യൂ റ്റി.തോമസ് എം.എൽ.എ സൗഹൃദ സംഗമം ഉദ്ഘാടനം ചെയ്തു, ആർ ജയകുമാർ അധ്യക്ഷത വഹിച്ചു,
ആർച്ച് ബിഷപ്പ് ഡോ.തോമസ് മാർ കൂറിലോസ്, ഡോ.ഗീവറുഗീസ് മാർ കൂറിലോസ്, ഇമാം കെ.ജെ.സലീം സഖാഫി, ഡോ.രമേഷ് ഇളമൺ നമ്പൂതിരി എന്നിവർ അനുഗ്രഹ പ്രഭാഷണം നടത്തി.ഇമാം ഹാഫിസ് നൗഫൽ ഹുസ്നി റംസാൻസന്ദേശം നൽകി. നഗരസഭ ചെയർപേഴ്സൺ ലേഖ.എസ്, ദേവസ്വം ബോർഡ് മുൻ പ്രസിഡൻറ് കെ.അനന്തഗോപൻ, യു.ഡി.ഫ് ചെയർമാൻ, വർഗീസ് മാമ്മൻ ,സത്യം മിനി സ്ട്രീസ് ചെയർമാൻ ഡോ.സി.വി. വടവന, പത്മശ്രീ .ഡോ.കുര്യൻ ജോൺ മേളാംപറമ്പിൽ, സംസ്ഥാന സഹകരണ സംഘം വൈസ് ചെയർമാൻ ആർ.സനൽകുമാർ, ബി.ജെ.പി സംസ്ഥാന ജനറൽ സെക്രട്ടറി അനൂപ് ആൻ്റണി തുടങ്ങിയവർ പ്രസംഗിച്ചു.
ഡോ.തോമസ് മാർ കൂറിലോസ് മെത്രപ്പൊലീത്തയെ ചടങ്ങിൽ ആദരിച്ചു. നിർധന ഡയാലിസ് രോഗികൾക്കുള്ള ഭക്ഷണക്കിറ്റ്, ചികിത്സ സഹായ ധനം എന്നിവയും വിതരണം ചെയ്തു.
