പത്മനാഭ സ്വാമി ക്ഷേത്രത്തിൽ ഡ്രോൺ പറത്തിയത് കൊറിയൻ യുവതി : ഇമിഗ്രേഷൻ വിഭാഗത്തിനു പൊലീസിന്റെ കത്ത്

തിരുവനന്തപുരം : ഏപ്രിൽ 10 ന് പത്മനാഭ സ്വാമി ക്ഷേത്രത്തിൽ ഡ്രോൺ പറത്തിയത് വ്‌ളോഗറായ കൊറിയൻ യുവതിയെന്ന് സൂചന .എമിഗ്രേഷൻ വിഭാഗത്തിൽ നിന്ന് കൊറിയൻ വ്ളോഗറുടെ വിശദാംശങ്ങൾ പൊലീസ് തേടി. യുവതി ക്ഷേത്രത്തിനു സമീപം എത്തിയെന്ന് പൊലീസ് സ്ഥിരീകരിച്ചിട്ടുണ്ട്. ഏപ്രിൽ 10ാം തീയതി രാത്രി പത്തരയോടെയാണ് കിഴക്കേ നടയിലെ പത്മതീ‍ർത്ഥ കുളത്തിന് സമീപം ഡ്രോൺ കണ്ടെത്തിയത്.ഉത്സവ സമയത്താണ് ഡ്രോണ്‍ പറത്തിയിരിക്കുന്നത്.ഡ്രോൺ നിരോധിത മേഖലയാണ് പത്മനാഭ സ്വാമി ക്ഷേത്ര പരിസരം.അതീവ സുരക്ഷ മേഖലയാണ് ക്ഷേത്രവും പരിസരവും.