പത്തനംതിട്ട: കെഎസ്ഇബി ഉദ്യോഗസ്ഥനെ കാട്ടാന ആക്രമിച്ചു. മൂഴിയാർ പവർ ഹൗസ് സബ് ഡിവിഷൻ എക്സിക്യൂട്ടീവ് എൻജിനീയർ ഷിബു തങ്കപ്പനെയാണ് ഇന്ന് ഉച്ചയ്ക്ക് 1.15 ന് കാട്ടാന ആക്രമിച്ചത്. മൂഴിയാർ ഓഫിസിലേക്ക് പോകുമ്പോൾ റോഡിന് മറുവശത്തെ കാട്ടിൽ നിന്ന് എത്തിയ ആന റോഡിലിറങ്ങി ബൈക്ക് തട്ടി തെറിപ്പിക്കുകയായിരുന്നു.
നിലത്ത് വീണ ഷിബുവിൻ്റെ കാലിൽ ചവിട്ടിയാണ് ആന കടന്നുപോയത്. കാല് പൊട്ടി എല്ല് പുറത്തു വന്നു. ദേഹമാസകലം പരുക്കുമുണ്ട്. വിവരമറിഞ്ഞ് ആദിവാസി ഊരിൽ നിന്നും മറ്റും ആൾക്കാർ ഓടിയെത്തിയാണ് ആശുപത്രിയിൽ എത്തിച്ചത്.
