തിരുവനന്തപുരം : വിതുരയിൽ യുവാവ് കെഎസ്ആർടിസി ഡ്രൈവറെ ബിയർ കുപ്പി കൊണ്ട് അടിച്ച് പരിക്കേൽപ്പിച്ചു.വിതുര ഡിപ്പോയിലെ ഡ്രൈവർ ആനപ്പാറ സ്വദേശി നന്ദകുമാറിന് (47) നേരെയാണ് ആക്രമണം.വർക്കല സ്വദേശിയായ നൗഫലിനെ വിതുര പൊലീസ് കസ്റ്റഡിയിലെടുത്തു.സൈഡ് കൊടുക്കാത്തതുമായി ബന്ധപ്പെട്ട തർക്കമാണ് ആക്രമണത്തിൽ കലാശിച്ചത് .
ബോണക്കാടുനിന്നുള്ള സർവീസ് വിതുര കലുങ്കിലെത്തി തിരികെ ഡിപ്പോയിലേക്ക് മടങ്ങുമ്പോൾ വിതുര ബിവറേജസിന് മുന്നിൽ വെച്ചായിരുന്നു സംഭവം.നൗഫൽ ഡ്രൈവറോട് ആക്രോശിക്കുകയും ചീത്ത വിളിക്കുകയും ബസിൽ അടിക്കുകയും ചെയ്തു. ഡ്രൈവർ പുറത്തിറങ്ങിയ സമയം ഇയാൾ ബാഗിൽ കരുതിയിരുന്ന ബിയർ കുപ്പി കൊണ്ട് നന്ദകുമാറിന്റെ തലയിൽ അടിക്കുകയായിരുന്നു.
