ഒരു തൈ നടാം ജനകീയ വൃക്ഷവൽക്കരണ ക്യാമ്പയിൻ

തിരുവല്ല : ഹരിത കേരളം മിഷൻ നേതൃത്വത്തിൽ സംസ്ഥാനത്ത് ഒരുകോടി വൃക്ഷത്തൈകൾ നട്ടുപിടിപ്പിക്കുന്ന ഒരു തൈ നടാം ജനകീയ വൃക്ഷ വൽക്കരണ ക്യാമ്പയിൻ ഗവൺമെൻറ് എൽ പി സ്കൂൾ പൊടിയാടിയിൽ വച്ച് നെടുമ്പ്രം ഗ്രാമപഞ്ചായത്ത് പ്രസിഡൻറ് പ്രസന്നകുമാരി ഉദ്ഘാടനം നിർവഹിച്ചു. ഗ്രാമപഞ്ചായത്ത് മെമ്പർ വൈശാഖ് ,പ്രധാന അധ്യാപിക ഷെറി ജോൺസൺ, ഹരിത കേരള മിഷൻ കോർഡിനേറ്റർ രാഹുൽ, മറ്റ് സ്റ്റാഫുകൾ എന്നിവർ പങ്കെടുത്തു . സൗഹൃദം മഹാ വൃക്ഷമായി എന്ന ആശയം മുന്നിൽ നിർത്തി ഗവർമെന്റ് എൽ പി സ്കൂൾ പൊടിയാടിയിലെ വിദ്യാർത്ഥികൾ സുഹൃത്തുക്കൾക്ക് നട്ടുവളർത്താൻ വൃക്ഷത്തൈകൾ പരസ്പരം കൈമാറിയാണ് പരിപാടി സംഘടിപ്പിച്ചത്.