പമ്പ: ശബരിമല ദർശനം കഴിഞ്ഞ് മടങ്ങിയ മാളികപ്പുറം വൈദ്യുത ആഘാതമേറ്റു മരിച്ചു. തെലുങ്കാന ഗോപാൽപേട്ട മണ്ഡൽ സ്വദേശി ഭാരതി (57) ആണ് മരിച്ചത്. ഇന്ന് രാത്രി 7.45 മണിയോടെ ആയിരുന്നു സംഭവം. തെലുങ്കാനാ സ്വദേശി മാളികപ്പുറം മല ഇറങ്ങി വരവെ നീലിമല രണ്ടാം പന്തലിന് സമീപത്തിരുന്ന കീയോസ്ക്കിൽ നിന്നും വെള്ളം കുടിക്കാൻ ടാപ്പ് തുറന്ന സമയത്ത് വൈദ്യൂത ആഘാതമേറ്റ് തെറിച്ചു വീണതായി ദൃക്സാക്ഷികൾ പറഞ്ഞു. ഉടനെ തന്നെ മറ്റ് അയ്യപ്പ ഭക്തരും വ്യാപാരികളും ചേർന്ന് സുരക്ഷിത സ്ഥാനത്തേക്ക് മാറ്റിയെങ്കിലും രക്ഷിക്കാൻ സാധിച്ചില്ല.
ഇന്ന് രാവിലെ മുതൽ മൂടിയ അന്തരീക്ഷമായിരുന്നെങ്കിലും വൈകുന്നേരം മുതൽ പമ്പയിലും സമീപ പ്രദേശങ്ങളിലും മഴ കനത്ത് പെയ്യുന്നുണ്ട്. സംഭവത്തിൽ കാരണക്കാരായവർക്ക് എതിരെ ശക്തമായ നടപടി സ്വീകരിക്കണമെന്ന് അയ്യപ്പ സേവ സംഘം ദേശീയ സെക്രട്ടറി പ്രസാദ് കുഴികാല ആവശ്യപ്പെട്ടു.
 ആണ് മരിച്ചത്.){kind=link}