കോഴഞ്ചേരി : മാര്‍ത്തോമ്മാ സുവിശേഷപ്രസംഗസംഘത്തിന്റെ ചുമതലയിലുള്ള 130-ാമത് മാരാമണ്‍ കണ്‍വന്‍ഷന്റെ ഭാഗമായി നാളെ മുതല്‍ (ജനുവരി 31 വെള്ളി ) ഫെബ്രുവരി 8 ശനി വരെ എല്ലാ ദിവസവും വൈകിട്ട് 4.30 മുതല്‍ 6 വരെ മാരാമണ്‍ കണ്‍വന്‍ഷന്‍ നഗറില്‍ ഒരുക്ക പ്രാര്‍ത്ഥന നടത്തും.
മാരാമണ്‍ മാര്‍ത്തോമ്മാ ഇടവകയും മാരാമണ്‍, ഇടയാറന്മുള, തിരുവല്ല ഈസ്റ്റ്, ചെങ്ങന്നൂര്‍, ഉമയാറ്റുകര, ഇരവിപേരൂര്‍, അയിരൂര്‍, ഇലന്തൂര്‍, കോഴഞ്ചേരി എന്നീ സെന്ററുകളിലെ സന്നദ്ധ സുവിശേഷക സംഘത്തിന്റെയും ഇടവക മിഷന്റെയും വിശ്വാസസമൂഹം ഒരുക്ക പ്രാര്‍ത്ഥനയില്‍ പങ്കുചേരും. മാര്‍ത്തോമ്മാ സുവിശേഷപ്രസംഗസംഘം ജനറല്‍ സെക്രട്ടറി റവ. എബി കെ. ജോഷ്വാ കണ്‍വീനര്‍മാരായ റവ. ഏ. അലക്‌സ്, റവ. ജോണ്‍ നോക്‌സ് എന്നിവര്‍ അറിയിച്ചു.
){kind=link}