ബെംഗളൂരു: മേയ് ദിന അവധിയോടനുബന്ധിച്ചുള്ള യാത്രാ തിരക്ക് പരിഗണിച്ച് കേരളത്തിലേക്ക് സ്പെഷ്യൽ സര്‍വീസുകള്‍ ഏര്‍പ്പെടുത്തി കർണാടക ആർടിസി. കേരളത്തിന് പുറമെ മറ്റു സംസ്ഥാനങ്ങളിലേക്കും സർവീസ് നടത്തുവാനുള്ള ക്രമീകരണങ്ങൾ തുടങ്ങി.
ബെംഗളൂരുവിൽ നിന്ന് നാളെ 70 സ്പെഷൽ ബസുകള്‍ കേരളം, തമിഴ്നാട്, ഗോവ, മഹാരാഷ്‌ട്ര, പുതുച്ചേരി എന്നിവിടങ്ങളിലേക്കാണ് സർവീസ് നടത്തുക. മേയ് 3ന് ബെംഗളൂരുവിലേക്ക് തിരിച്ചും സ്പെഷൽ സർവീസുകൾ ഉണ്ടാകും. മജസ്റ്റിക്, ശാന്തിനഗർ, സാറ്റലൈറ്റ് എന്നീ ടെർമിനലുകളിൽ നിന്നാണ് സ്പെഷൽ ബസുകൾ പുറപ്പെടുക.
