തിരുവല്ല: കാണാതായ പെയിന്റിങ് തൊഴിലാളിയെ അയൽവാസിയുടെ വീട്ടിലെ കിണറ്റിൽ മരിച്ച നിലയിൽ കണ്ടെത്തി. പടിഞ്ഞാറ്റോതറ മോടിയിൽ എം.ആർ. രാജേഷിന്റെ (45) മൃതദേഹമാണ് ശനിയാഴ്ച ഉച്ചക്ക് 11. 45 മണിയോടെ കണ്ടെത്തിയത്. വ്യാഴാഴ്ച രാത്രി മുതൽ ഇദ്ദേഹത്തെ കാണാനില്ലായിരുന്നുവെന്ന് ബന്ധുക്കൾ പറഞ്ഞു. അയൽവാസിയുടെ വീട്ടിൽ പ്രായമായ സ്ത്രീ മാത്രമാണ് താമസം ഉള്ളത്. ഇവരുടെ കൊച്ചുമകൻ കർണ്ണാടകയിൽ നിന്ന് ഇന്ന് രാവിലെ വീട്ടിലെത്തിയപ്പോഴാണ് കിണറ്റിൽ മൃതദേഹം കണ്ടത്.
തിരുവല്ല പൊലീസും അഗ്നിരക്ഷസേനയും സ്ഥലത്തെത്തി മൃതദേഹം പുറത്തെടുത്തു. സംഭവത്തിൽ തിരുവല്ല പൊലീസ് മേൽ നടപടി സ്വീകരിച്ചു.
