മോസ്കോ : മോസ്കോ ക്രോക്കസ് സിറ്റി ഹാളിൽ ഉണ്ടായ ഭീകരാക്രമണത്തിൽ മരിച്ചവരുടെ എണ്ണം 115 ആയി.ആക്രമണവുമായി ബന്ധപ്പെട്ട് 11 പേരെ അറസ്റ്റ് ചെയ്തു. ഇതിൽ നാല് പേർ ആക്രമണത്തിൽ നേരിട്ട് പങ്കാളികളായവരാണെന്ന് റഷ്യ അറിയിച്ചു.ആക്രമണത്തിന്റെ ഉത്തരവാദിത്വം ഭീകരസംഘടനയായ ഐ.എസ്. ഏറ്റെടുത്തിട്ടുണ്ട്.
ഭീകരാക്രമണ സാധ്യതയുടെ പശ്ചാത്തലത്തിൽ റഷ്യയിൽ വലിയ പൊതുയോഗങ്ങളിൽ പങ്കെടുക്കുന്നതിനെതിരെ യുഎസ് രഹസ്യാന്വേഷണ ഏജൻസി തങ്ങളുടെ പൗരന്മാർക്ക് മുന്നറിയിപ്പ് നൽകിയതിന് ദിവസങ്ങൾക്ക് ശേഷമാണ് ആക്രമണം.പ്രധാനമന്ത്രി നരേന്ദ്ര മോദി ഉൾപ്പെടെ ലോകത്തിൻ്റെ വിവിധ ഭാഗങ്ങളിൽ നിന്നുള്ള നേതാക്കൾ ആക്രമണത്തെ അപലപിച്ചു.
