കളമശ്ശേരിയിലെ സ്ത്രീയുടെ കൊലപാതകം : രണ്ട് പേർ പിടിയിൽ

കൊച്ചി : കളമശ്ശേരിയിലെ റിയൽ എസ്റ്റേറ്റുകാരിയായ സ്ത്രീയുടെ കൊലപാതകത്തിൽ രണ്ട് പേർ പിടിയിൽ. പെരുമ്പാവൂർ ചൂണ്ടിക്കുഴി കോരോത്തുകുടിവീട്ടിൽ ജെയ്സി (55) യുടെ കൊലപാതകത്തിൽ കാക്കനാട് സ്വദേശിയായ ​ ഇന്‍ഫോപാര്‍ക്ക് ജീവനക്കാരന്‍ ഗിരീഷ് ബാബു, സുഹൃത്ത് ഖദീജ എന്നിവരാണ് പിടിയിലായിരിക്കുന്നത്. സ്വർണവും പണവും മോഷ്ടിക്കാനായിരുന്നു കൊലപാതകം. ജെയ്സിയുടെ ആഭരണങ്ങളും 2 മൊബൈൽ ഫോണുകളും നഷ്ടപ്പെ‌ട്ടി‌രുന്നു .ഈ മാസം 17നാണ് ജെയ്സി കളമശ്ശേരിയിലെ അപ്പാർട്മെന്റിൽ വച്ച് കൊല്ലപ്പെട്ടത്.