പാലക്കാട് : മലമ്പുഴയിൽ കാട്ടാന ആക്രമണത്തിൽ വീടിനു പുറത്ത് ഉറങ്ങിക്കിടന്ന ആൾ കൊല്ലപ്പെട്ടു.കൊല്ലങ്കുന്ന് വെള്ളെഴുത്താൻപൊറ്റ ഉന്നതിയിൽ ചന്ദ്രൻ (56) ആണ് കൊല്ലപ്പെട്ടത്. മലമ്പുഴ താലൂക്ക് ആശുപത്രിയിലെ അറ്റൻഡറാണ്.
ഇന്ന് പുലര്‍ച്ചെ 4.30ഓടെയാണ് സംഭവം .ചൂട് കാലമായതിനാൽ വീടിനടുത്തുള്ള പുളിമരത്തിന് ചുവട്ടിൽ കിടന്നുറങ്ങുകയായിരുന്നു ചന്ദ്രൻ. ചന്ദ്രനൊപ്പം ഉറങ്ങിക്കിടന്ന രണ്ട് പേർ ഓടിരക്ഷപ്പെട്ടു. ചന്ദ്രനെ ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
