തിരുവല്ല : കാലഘട്ടത്തിലെ വെല്ലുവിളികളെയും അപജയങ്ങളേയും നേരിടുവാനും അതിജീവിക്കുവാനുള്ള തിരിച്ചറിവും കരുത്തും യുവതലമറയ്ക്ക് വിദ്യാഭ്യാസത്തിലൂടെ മാത്രമേ നേടുവാൻ സാധിക്കുകയുള്ളവെന്ന് മലങ്കര ഓർത്തഡോക്സ് സഭ മലബാർ ഭദ്രാസനാധിപൻ ഗീവർഗീസ് മാർ പക്കോമിയോസ് മെത്രാപ്പോലീത്താ. വൈ.എം.സി.എ സബ് – റീജൻ സംഘടിപ്പിച്ച മെറിറ്റ് ഈവനിംഗ് ഉദ്ഘാടനം ചെയ്യുകയായിരുന്നു അദ്ദേഹം.
ആധുനികവത്കരണത്തിൻ്റെ നല്ല വശങ്ങളെ ഉൾകൊള്ളുവാനും പഴയ കാലഘട്ടത്തിലെ നന്മയെ തിരിച്ചറിയുവാനും കാർഷിക മേഖലയെ ശക്തിപ്പെടുത്തുവാനും യുവതലമുറയ്ക്ക് കഴിയണം അദ്ദേഹം പറഞ്ഞു. ചെയർമാൻ ജോജി പി. തോമസ് അദ്ധ്യക്ഷത വഹിച്ചു. വൈ.എം.സി.എ ദേശീയ ജനറൽ സെക്രട്ടറി എൻ.വി എൽദോ മുഖ്യപ്രഭാഷണം നടത്തി.
കെ.സി.സി ജനറൽ സെക്രട്ടറി ഡോ. പ്രകാശ് പി. തോമസ്, റീജണൽ വൈസ് ചെയർമാൻ കുര്യൻ തുമ്പൂങ്കൽ, സെക്രട്ടറി പ്രിൻസ്ലി വിബിൻ, ദേശീയ നിർവ്വഹക സമിതിയംഗം ജോ ഇലഞ്ഞിമൂട്ടിൽ, ജില്ലാ പഞ്ചായത്തയാഗം സാം ഈപ്പൻ, മുൻ റീജണൽ ചെയർമാൻ അഡ്വ. ജോസഫ് ജോൺ, റീജണൽ യൂത്ത് വർക്ക് കമ്മറ്റി ചെയർമാൻ ലിനോജ് ചാക്കോ, പേഴ്സണൽ കമ്മിറ്റിയംഗം അഡ്വ. ജോസഫ് നെല്ലാനിക്കൻ, ജനറൽ കൺവീനർ സുനിൽ മറ്റത്ത്, വൈസ് ചെയർമാൻമാരായ തോമസ് വി. ജോൺ, ലിയോൺ വർഗീസ് ഏബ്രഹാം, മധ്യ മേഖല കോർഡിനേറ്റർ എബി ജേക്കബ് പ്രോഗ്രാം കൺവീനർന്മാരായ റോയി പി. ചാണ്ടി സജി മാമ്പ്രക്കുഴി എന്നിവർ പ്രസംഗിച്ചു.
അദ്ധ്യപക ദിനവുമായി ബന്ധപ്പെട്ട് മുൻ പ്രിൻസിപ്പാൾ ഡോ. ജോസ് പാറക്കടവിൽ, പത്താം ക്ലാസ്സു മുതൽ ഉന്നത വിജയം കൈവരിച്ച വൈ.എം.സി.എ കുടുംബാംഗങ്ങൾ, വൈ.എം.സി.എ ദേശീയ ഭാരവാഹിത്വത്തിലേക്ക് തെരഞ്ഞെടുക്കപ്പെട്ടവർ, മാർത്തോമ്മ സഭാ കൗൺസിൽ അംഗങ്ങളായി തെരഞ്ഞെടുക്കപ്പെട്ട സബ് റീജണിലെ വൈ.എം.സി.എ അംഗങ്ങൾ എന്നിവരെ യോഗത്തിൽ ആദരിച്ചു.
