കോട്ടയം നഴ്സിംഗ് കോളേജിലെ റാഗിങ് : പ്രതികൾക്ക് ജാമ്യം

കോട്ടയം : കോട്ടയം ഗവ .നഴ്സിംഗ് കോളേജിലെ റാഗിങ് കേസിലെ പ്രതികൾക്ക് ജാമ്യം അനുവദിച്ച് കോടതി .കോട്ടയം ജില്ലാ സെഷൻസ് കോടതിയാണ് പ്രതികൾക്ക് ജാമ്യം നൽകിയത്. 50 ദിവസത്തിലേറെയായി ജയിലിൽ കിടന്ന പ്രതികളുടെ പ്രായം കണക്കിലെടുത്താണ് ജാമ്യം അനുവദിച്ചത് . മൂന്നാം വർഷ വിദ്യാർത്ഥികളായ സാമുവേൽ ജോൺസൺ, ജീവ എൻ.എസ്, സി .റിജിൽ ജിത്ത്, കെ .പി രാഹുൽ രാജ്, എൻ.വി വിവേക് എന്നിവർക്കാണ് ജാമ്യം ലഭിച്ചത്.