മുംബൈ : മൂന്നരവർഷത്തിനുശേഷം റിസർവ് ബാങ്ക് റിപ്പോ നിരക്ക് കൂട്ടി.കാൽ ശതമാനം ഉയർത്തി 5.50 ശതമാനമാക്കി .ഇതോടെ ഭവന, വാഹന, വ്യക്തിഗത വായ്പകളുടെ പലിശനിരക്ക് കൂടും.പണപ്പെരുപ്പനിരക്കിലെ വർധന, രൂപയുടെ മൂല്യമിടിവ്, ആഗോളവിപണിയിലെ ക്രൂഡ് വിലവർധന,യുഎസ് കേന്ദ്രബാങ്കായ ഫെഡറൽ റിസർവ് അടക്കം പലിശനിരക്ക് വർധനയുടെ പാതയിലേക്ക് കടന്നത്,എൽനിനോ ഉയർത്തുന്ന വിലക്കയറ്റ ആഘാതം തുടങ്ങിയവയാണ് നിരക്ക് കൂട്ടാനുള്ള പ്രധാന കാരണങ്ങൾ. ആർ.ബി.ഐ. ഇതിനുമുമ്പ് റിപ്പോ നിരക്ക് വർധിപ്പിച്ചത് 2023 ഫെബ്രുവരിയിലായിരുന്നു
അടിസ്ഥാന പലിശനിരക്ക് കൂട്ടിയെങ്കിലും ഇന്ത്യൻ ജിഡിപി കുതിക്കുമെന്ന് ആർ.ബി.ഐ. ഗവർണർ സഞ്ജയ് മൽഹോത്ര വാർത്താസമ്മേളനത്തിൽ അറിയിച്ചു.ഈ വർഷത്തെ യഥാർത്ഥ ജിഡിപി വളർച്ച 7.1 ശതമാനമായിരിക്കും. രണ്ടാം പാദത്തിൽ 7.2 ശതമാനവും മൂന്നാം പാദത്തിൽ 6.9 ശതമാനവും നാലാം പാദത്തിൽ 6.8 ശതമാനവും വളർച്ചയാണ് പ്രതീക്ഷിക്കുന്നതെന്നും ആർ.ബി.ഐ. ഗവർണർ പറഞ്ഞു .
