ബദരിനാഥ്: കാസർകോട് സ്വദേശികളായ സനത്കുമാറും സമ്പത്ത് കുമാറും ബദരിനാഥിൽ നിന്നും ശബരിമലയിലേക്ക് ഇന്ന് രാവിലെ യാത്ര തിരിച്ചു. ഏഴ് മാസം ഭാരതത്തിലെ വിവിധ തീർത്ഥ സ്ഥാനങ്ങളിൽ ദർശനം നടത്തിയ ശേഷം ഈ യുവാക്കൾ മകരവിളക്കിന് ശബരിമലയിലെത്തും.
കാസർകോഡുള്ള അയ്യപ്പ ക്ഷേത്രത്തിൽ വിഷുവിന് മാലധരിച്ച് വ്രതം ആരംഭിച്ചതാണ് ഇരുവരും. മാതാപിതാക്കളുടെയും ഗുരുക്കന്മാരുടെയും അനുഗ്രഹത്തോടെ കഴിഞ്ഞ ആഴ്ച വീടുവിട്ട് ബദരി ക്ക് തിരിച്ചത്. ഇന്ന് രാവിലെ റാവൽജി ബദരിനാഥ ക്ഷേത്രത്തിന്റെ തിരുനടയിൽ കെട്ട് നിറച്ച് യാത്ര ആരംഭിച്ചു.
കാൽ നടയായി പ്രതിദിനം 25 കിലോമീറ്റർ ദൂരമെങ്കിലും പിന്നിടുമെന്നും, 50 കിലോമീറ്റർ വരെ ചില ദിവസങ്ങളിൽ നടക്കാൻ കഴിയുമെന്ന് സമ്പത്തും സനതും പറഞ്ഞു
