തിരുവനന്തപുരം: വെൺപാലവട്ടം മേൽപാലത്തിൽ നിയന്ത്രണം വിട്ട സ്കൂട്ടറിൽനിന്നു താഴേക്ക് പതിച്ച യുവതിക്ക് ദാരുണാന്ത്യം. കൂടെ ഉണ്ടായിരുന്ന സഹോദരിക്കും കുഞ്ഞിനും പരുക്കേറ്റു. കോവളം വെള്ളാർ സ്വദേശി സിമി (35) ആണ് മരിച്ചത്. സിമിയുടെ മകൾ ശിവന്യ (3), സഹോദരി സിനി (32) എന്നിവർ ചികിത്സയിലാണ്. ഇവര്‍ സഞ്ചരിച്ചിരുന്ന സ്കൂട്ടർ നിയന്ത്രണം തെറ്റി ബാരിയറിൽ തട്ടുകയും റോഡിലേക്കു വീഴുകയുമായിരുന്നു.
അപകടം കണ്ട നിന്നവർ പരുക്കേറ്റവരെ ഉടൻ ആശുപത്രിയില്‍ എത്തിക്കുക ആയിരുന്നു. താഴെയുള്ള സര്‍വീസ് റോഡിലേക്കു യാത്രക്കാർ വീഴുന്നതിന്റെ സിസിടിവി ദൃശ്യം സമീപത്ത് നിന്ന് ലഭിച്ചു . നിരവധി വാഹനങ്ങള്‍ കടന്നു പോകുന്ന സര്‍വീസ് റോഡില്‍ അപകടസമയത്ത് വാഹനങ്ങൾ കുറവായിരുന്നു
